елеусіз сым бөгеттер

(Малозаметные проволочные заграждения)

әуеден және жерден арнайы бүркеніші болмаған жағдайда да білінбейтін, жаяу әскерге қарсы құрылған, тікенексіз сымнан жасалған бөгеттер. Бірінші және Екінші дүниежүзілік соғыстарда қолданылған. Оларға: аласа қазықшалы сым торлар, ирек торлар, тұзақтар және басқалар жатады. Ең тиімдісі — білінбес бөгеттердің зауытта дайындалған стандартты пакеттерінен жасалған сым торлар. Қиындатылған үлгісіндегі бұл пакеттің өлшемі 120х60х12 см, салмағы 30 кг. Жергілікті жерге қондырғанда биіктігі 100-120 см төрт қабатты кеңістік торы жасалынады. 1 км бөгетке 100 пакет қажет. Сым торлары әскер позицияларының алдына және маңызды объектілердің қасына басқа бөгеттермен және табиғи кедергілермен сәйкестен-діріліп қойылады. Олар тек жаяу әскердің ғана емес, сонымен қатар ЖҰМ-лардың, бронетранспортердің, автомобильдердің, кейде танктердің қозғалысын тоқтата алады. ЕСБ, сонымен қатар теңіз жағалауындағы десантқа қарсы қорғаныста да қолданылады.